A day in Navodaya

Tujhe yad na hoga navodaya me jab pahli bar tu aya tha,
masom sa chera tha tera aur sath me baxsa laya tha.

Darta tha thoda tu mujhse aur me bhi to ghabraya tha,
par himmat karke ek dafa tujhko hi dost banaya tha.

Tujhe yad na hoga subah ko jab jor se sity bajti thi,
ankho me ansu lati thi aur kitni gandi lagti thi.

Phir daud ke jaise taise bhi maidan ko der se aate the,
subah subah narmi galo pe seniors se thappad khate the,

Fir baith waha par sath me dard bata karte the,
aur house me ja ke chupke se gadde pe so jate the.

Tujhe yad n hoga roti se hum kaise nazar churate the,
drum ki awaj ko sunkar fir jaldi se hall ko jate the.

Aye n aye kuch hamko par sabko bahut sikhate the,
fir class ki bench se hum uspe nazar tikate the.

Tujhe yad n hoga 4 baje hum sote hi rah jate the,
fir ankh masal ke uthte the aur superwise ko aa jate the.

Sam ko prayer karke hum house ko jaldi ate the,
phir 8 baje tak sach me hum kuch acche se padh pate the,

Me chupke se teri thali se paneer nikal karta tha,
tu ek jhalk pane ko uski mess me jhaka karta tha,

Tujhe yad n hoga bato me hum jab bhi jhagda karte the,
teriwali meriwali ye kahkar chutki bharte the,

Aise hi din kat jata tha hum hurdam hi khus rahte the,
kuch dukh bi the kuch yade thi sab haste haste sahte the,

Tujhe yad n hoga pinzra tha wo salon jisme kaid rahe,
ajad hue tab tak to hum pinzare se mohhabat kar baithe…


Submitted by: Mayank Raj

Comments

comments

Read:  Navodaya Prayer With Meaning | Hami Navodaya Hon